Baghair Mehnat kiye, Kamayi karna?

 - Baghair Mehnat kiye, Kamayi karna?

• Lottery yah Price bonds nikalna aur committee daalna?

• Savings, Black marketing aur Hoarding?

• Tossing, Lucky Draw, Betting, Interest aur Gambling?

Question:

Aaj kal umrah ke tickets lottery ke zariye diye jaate hain, jiski initial fee bhi hoti hain aur isi tarah Qurandazi (lucky draw) ke zariye bhi diya jaata hai tou kiya baghair mehnat kijye is tarah hasil hone wale ina'amat, Juwa (Gambling) nahi hai? Committee karna, savings karna aur hoarding yeh Haram hai?

Answer:

Pehli baat yeh sab se bara misconception hai jo public me famous hai ke "Jis maal ko aap baghair mehnat ke kama lena, Haram hai", Islam me aisa kuch bhi nahi hai, agar koi kehta hai aisa hai tou is ka matlab yahi hai ke sab ke sab Haram kamayi kar-rahe hain.

Logical Example:

Let suppose, aapki shadi hoti hai aur aaj ki gold ki price 1 lac hai aur 10 years baad uski price aur increase ho jati hain (2 or 3 lacs) tou aap us ko sold out karenge tou aapko phir 1 or 2 lacs ka faida hoga, tou exactly yeh baghair mehnat ke hi kamai hasil karna huwa, tou yeh kahan se Haram huwa? Haram usi soorat me ho gal jab in cheezon me Dhoka, sood (interest) yah Juwa (Gambling) ki involvement hogi.

Qurandazi (Lucky draw):

Isi tarah Qurandazi (lucky draw) bhi Halal hai aur Nabi Akramﷺ ki sunnat hai, us ke supportive yeh Hadees hai Nabi Akramﷺ apni wives ke darmiyan, jab traveling karne ka plan banate tou qurandazi kiya karte thay.

- Sahih Bukhari# 2661

Tossing:

Tossing bhi Lucky draw ki tarah hota hai aap us me sirf Qurandazi nikalte jis ke nam ka qura nikalta, usko ina'amat de diye jaate etc.

Note and Example:

Lekin tossing aur Qurandazi (lucky draw) tab halal hai jab agar is me kisi ke paise involved nahi honge warna is me kisi ke sirf 10 rupees bhi involved honge tou yeh haram hojayega. Jaise 5 tickets hain sab ne 100 rupees me purchase kar li, (total 500 rupees) aur us me sirf aik ka naam aaya tou baki 4 logo ke tickets ke sath unke 100 100 rupees doob gaye tou yeh haram hogaya, yani kisi aik ke ilawa, bakiyo ko potential loss (yani economy i.e. paise ka loss) hojaye tou yeh Juwa (Gambling) ke zumre me aayega.

Juwa (Gambling):

Ab dekhain juwa aapko samjh tou aagaya hoga ke kisi bhi chez me chahy woh koi games hon (i.e. Ludo, Cararm or Cricket Matches etc) us me shart lagana (betting karna) paiso se (initial fee ya entry fee) se tou yeh sab Haram hai. Is tarah ke prize bonds aur lottery nikalna bhi haram honge.

- Surah Al-Maida# 90 and 91

- Al-Silsilah-tus-Sahiha# 911

- Musnad Ahmad# 5201

Betting (Shart lagana):

Shart lagana bhi Haram hai kun ke us me log aik tou paise involved kar ke us game ko (yah betting ko) Juwa (gambling) bana dete hai aur dusra us me ghaib ki batain discuss karte hain yani betting karne walo ko nahi  pata kon jeete ga (winner hoga) aur kon haare ga (loser hoga) tou yeh Ghaib ki batain discuss karna haram hoga. Ghaib ka ilm sirf Allah ki zaat ko hai.

- Surat-ul-Ana'm# 59

Committee daalna: 

Committee daalne me koi harj nahi kun ki is me kisi ka paisa nahi doob-ta kun ki us ke rules aise hote hain k agar 5 logo ne mil kar aik committee open ki hai (10 thousands ki), jis me qurandazi ke zariye committee uth’ti hai jis ka pehle naam aata ko us ko 10 thousands mil jaate, phir next time jab Qurandazi nikalte tou us me us bande ka nam include nahi hota jiski pehli bar me committee nikal gayi thi. Lekin paise 5 dafa me sab members ne daalne hain taake kisi ke paise nahi doobe sab ko sab ka hissa milta rehta hai.

Note:

Wahi example, Agar 5 logo ki committee hai (10 thousands ki) tou agar kisi aik bande ko paise ki ziyada zaroorat huwi us ne 10 thousands lekar 1 thousand us me add kardiye (jaldi lene ke chakkar me) us 1 thousand ko sab me baant-ne ke liye tou baki 4 me (250 rupees) distribute kardiye tou woh distribution, SOOD (INTEREST) kehlayegi.

Sood (Interest):

Interest tou sire se haram hai aur is ke liye Allah aur Nabi Akramﷺ ne sakhti se mana kiya hai. Qur’an me aata hai Sood lena yani Allah aur uske Rasool Muhammadﷺ se ailan-e-jung karna (Na uzu billah min zalik)

- Surah Al-Baqarah# 278 and 279

Maal Jama karna:

Islam maal jama karna (yani savings) karne se nahi rok-ta kyun ki yeh logical baat hai ke Savings hoti hai tou Zakat di jaati hain na. Aik aur logical baat hai Hazrat Usman Ghani (r.a) ko bhi jo Jannat ki bashartain hain woh bhi isi amaal se hai ke woh Allah ki raah me kharch karne se peechay nahi hat’te thay, Ghazwa-e-Tabook ke mauqe me unho-ne 700 oont (camels) diye thay isi tarah aik dafa masjid ke liye zameen unho-ne khairat ki aur aik dafa kunwa (well) khareed khairat kia tou yeh sab hi Hazrat Usman Ghani (a.s) ke liye tab hi possible tha ke unho-ne savings ki huwi thi na.

- Jam-e-Tirmizi# 3699

Hoarding:

Hoarding (Zakheerah andozi) ki meaning storage yah black marketing ke hain. Jis se murad yeh hai ke woh cheezain jamah kar lena jis ki market me qil'lat (shortage) hojaye, yeh haram hai aur is se kamayi bhi haram hai. Lekin agar aisi cheez jama karlena jis ki buniyadi koi need nahi hai aur baad me uski price mehangi (yah increase) hojati hai aur us ko sell kar dete hain tou yeh jaiz hai.

- Sahih Muslim# 4122 and 4123

- Jam-e-Tirmizi# 1267

Zakheerah andozi ki saza yeh hai ke Allah usay Jazam (korh) yah aflaas (faqar) me mubtalah kar dega.

- Sunan-e-Ibne Maja# 2155

Source islamic Feeds